Aromatherapy

對於毛孩的關心與愛護 花花的尿頻問題，的確對我們的日常清潔帶來了挑戰。因為有花花和強仔在家，我們一直都非常注重家庭的衛生。我們相信，少用化學物質、保持乾淨舒適的環境，對毛孩的精神狀態有很大的幫助。 起初，花花經常瀨尿，我們需要重新適應這一切。但我們深知，這就像老人家年紀大了會失禁一樣，他們自己也不想這樣，卻又無法處理。作為照顧者，我們努力不因為麻煩而給他們施加壓力。 尋找解決方案 既然找不到病因，我們就開始尋找解決方法——幫花花穿尿片。這樣簡單的措施，卻有效地解決了瀨尿的困擾，讓家裡恢復了乾淨。除了需要穿尿片，花花依然是一個能走能跑、樂觀又乖巧的小朋友。我們如常用愛包容她每一個老去的步伐。 照顧老病毛孩的心路歷程 在這段照顧花花的旅程中，我們學會了很多。每一次的挑戰都是一次成長的機會。我們開始更加了解她的需求，並學會如何更好地與她溝通。這不僅是對花花的照顧，更是對我們自身情感的洗禮。 我們的心中充滿了對花花的愛，這份愛讓我們在面對困難時，依然能夠保持堅強。即使有時候感到無助，我們也會想起那些美好的回憶，讓自己重新振作起來。 如何選擇合適的尿片..

雖然花花成功企得返起身，但呢場大病都係喺佢身上留低咗痕跡——佢個頭變到側咗一邊。有時朋友見到，都會講笑話佢似「小霍金」。不過喺我心目中，無論佢個頭側成點，佢依然係昔日嗰個好靚女、好可愛嘅花花。 我哋一直有幫佢做舒緩按摩，花花嘅復康進度都幾理想，大部份時間都可以開心咁生活、自己行路。 不過，喺復康嘅過程入面，我哋發現咗一個隱藏問題：花花開始出現尿頻。佢經常急尿，身形亦慢慢消瘦。我哋帶佢去驗血做檢查，懷疑過係咪腎病，但每次出嚟嘅指數都幾好，當時搵唔到明顯原因。花花就快 15 歲，我哋唯有將呢個情況視為「老態」，覺得老人家多啲生理轉變都係自然嘅。既然暫時搵唔到根源，我哋就選擇接受，繼續開開心心咁陪佢生活。

隨住強仔年紀越來越大，加上胃癌嘅影響，佢嘅消化能力同胃酸分泌都大幅下降。如果仲俾一舊舊嘅食物佢，佢就算吞到，食完之後個胃都會「頂住」好辛苦。我哋嘅食譜質地，跟住佢嘅歲月不斷進化。起初，為咗保留佢咬嚼嘅動作同牙齒健康，我哋將食物剪碎，由 1/4 慢慢變成 1/16。到咗近期急性發作，佢連一粒粒嘅嘢都吞唔到，知道自己吞會哽親，只肯食 BB 糊 為咗避開市面 BB 糊嘅防腐劑，叔叔親自用雞肉、三文魚同蔬菜打成 100% 真材實料嘅純肉糊。但放入雪櫃後，純肉糊會變得好硬，強仔食唔到。於是，我哋每日朝早將定好嘅份量放入攪拌機，加水再打爛，變成軟綿綿嘅「粥仔」。呢碗肉粥，既保護到個胃、容易吞嚥，又有充足嘅營養。只要用心思考每一個微細嘅動作，病患中嘅毛孩一樣可以食得健康又開心！

強仔之所以能夠喺胃癌病發兩年後，依然堅強咁生存落去，除咗佢自己叻仔，仲有一位幕後大功臣——就係我老公（叔叔）！ 叔叔真係會花極大嘅心機，認真去研究邊啲薯仔最腍、邊種南瓜最甜。針對強仔胃部嘅情況，我哋搵到咗頂級而又廉價嘅護胃先鋒：淮山同牛蒡。 呢兩年嚟，叔叔將滿滿嘅心血擺晒落去煮食度。因為只要將個胃保護得好，再配合新鮮嘅食材，淮山就可以發揮強大嘅護胃功效。當強仔食嘢唔再覺得辛苦、唔再容易胃出血，身體自然就能夠慢慢復原同控制住病情。雖然我哋冇再去做詳細嘅 CT Scan，但淨係睇住強仔每日嘅精神狀態，就已經係最好嘅驗血報告。

講起花花，心底裡總會泛起一陣無法平息嘅刺痛。 如果世界上有「天使狗狗」，花花一定係其中一分子。佢性格真係好討人喜歡，成日開開心心，對生活幾乎無任何苛刻嘅要求，極度親人。照顧佢，係一件好少感受到壓力嘅樂事。佢唔似得強仔咁矜貴、要求多多又難服侍；花花好叻，每餐都乖乖地自己食，食得好滿足，大小便又會自己去返正確嘅位置。佢底子算好，適應天氣嘅能力都幾高。 一隻咁惹人錫、咁容易打理嘅狗狗，我真係好心痛，點解最後會經歷一個咁令人心碎嘅劫難。 🌑 2024 年農曆新年：一個後悔莫及的決定 事發喺 2024 年嘅新年。當時我一心諗住，新年流流，不如俾花花返去主人身邊，等佢哋可以開開心心咁團年。初一前，我哋親自帶住精神活潑、仲會周圍跑跑跳跳嘅花花同強強入去交俾佢前主人。 點知呢個決定，成為咗我最痛嘅遺憾。 原來前主人將狗狗接返去之後，自己就上咗大陸玩，淨低花花、強仔同工人姐姐留喺屋企。嗰幾日天氣突然轉得好凍，花花唔知係咪因為食嘢心急得滯而嘔吐。面對狗狗唔舒服，佢哋嘅處理手法竟然係停止餵食；更甚嘅係，可能因為花花有尿頻嘅情況，工人姐姐為咗貪方便，竟然連水都唔俾佢飲

喺強仔貧血嗰段時間，當然要俾多啲造血嘅食物佢。但偏偏呢啲極具營養價值嘅食材，有時會帶有毛孩最討厭嘅「草青味」或者質地好硬，完全唔啱佢哋口味。 有啲人可能試過一次，見毛孩唔食就放棄，覺得「佢唔鍾意食就算啦」。但毛孩唔識諗，我哋人類有智慧㗎嘛！遇到困難，我哋就要識得「避重就輕」。 既然隻食材本身浸味佢唔鍾意，我哋就用其他味道去 Cover（掩蓋）佢！例如加入南瓜，南瓜嘅天然甜味有極強嘅掩蓋能力。仲可以再細分去揀啲特別甜嘅南瓜品種。只要花少少腦筋，將有營養嘅食材隱藏喺佢鍾意嘅味道之下，就能夠創造出一餐既符合口味、又保留足夠營養（Ingredients）嘅病號餐。

當強仔飲咗一輪葡萄糖水，身體無咁辛苦，慢慢開始對食物有返啲興趣，但呢個時候「挑機 1 號」就出現了——佢開始極度挑食！買好多唔同嘅嘢俾佢，佢都係望一眼、聞一聞就轉身走。 好多家長見到毛孩唔食，第一反應可能係「佢扭計」。但照顧生病嘅毛孩，我哋要學識分辨：佢究竟係純粹嫌棄啲嘢食，定係其實佢想食，但腸胃唔舒服食唔落？ 強仔有胃部嘅問題，如果胃黏膜受損甚至流血，食任何嘢落去都會「揦」住痛。當佢試過食完會痛，自然就會抗拒進食。所以，我哋第一步要做嘅唔係不停轉糧，而係要先幫佢「護胃」。我哋會俾啲保護胃壁嘅 Supplement 佢食，當胃壁受到保護，佢試探性食少少發現「咦，今次唔痛喎」，佢先會放心去食。要對症下藥，家長嘅觀察力就係關鍵。

話說強仔一開始病發嘅時候，情況真係好反覆。試過血屎、貧血，又試過突然胸部腫脹。每次經歷完呢啲病痛，佢返到屋企第一件事就係——拒絕進食。 就算醫生開咗開胃藥水，佢都係毫無興趣，緊閉住個口。對於有病在身嘅毛孩，唔食嘢就等於無體力打仗，嗰一刻真係非常擔心。見到佢完全唔肯開口，連用水筒打水入去都抗拒，我哋唯有出動「救命法寶」：葡萄糖水。 當身體極度缺乏養分時，葡萄糖水就係用嚟保命嘅。我哋用針筒慢慢將微甜嘅葡萄糖水擠入佢口度。一來可以幫佢補充最基本嘅能量，二來微甜嘅味道可以令佢個口無咁淡，慢慢刺激返佢嘅味覺同胃口。有時照顧虛弱嘅毛孩，第一步唔係逼佢食大餐，而係要用一點點「甜」，去重新喚醒佢對食物嘅感覺。

你的能量是孩子最好的靈藥，笑著接納生命裡的自然老去 照顧老友記嘅路上，我哋成日都會將注意力放咗喺「佢邊度退化咗」、「佢今日又行唔到幾多步」，慢慢搞到自己個心好沉重，甚至充滿焦慮。 但係，我想同大家分享一個我喺 5 個孩子（Bebe、甜甜、細佬、花花同強強）身上學到最寶貴嘅一課：「主人的能量，會直接傳染俾孩子。」 毛孩同我哋之間，好似有一條隱形嘅臍帶。當強仔因為後腳無力而起唔到身，如果我表現得好慌張、好心痛、甚至愁眉苦面，佢係會feel到㗎！佢會以為自己做錯事，或者覺得「死啦，係咪有大件事發生」，結果情緒一繃緊，肌肉就更加僵硬，反而越用力越企唔起身。 相反，如果我哋用一個開懷、輕鬆嘅心態去面對呢？ 老去、行唔到、腦退化，其實從來都唔係咩「絕症」，只係生命必經嘅一個正常階段。依家每當強仔起唔到身，我都會笑笑口咁行埋去，摸吓佢個頭話：「冇事喎，腳仔軟呀？唔急，慢慢嚟，媽媽喺度陪你。」當我散發出「好小事啫，一切都好安全」嘅正面能量，強仔接收到呢份輕鬆，佢個心就會定落嚟。情緒冇問題，身體自然放鬆，喺我大髀嘅借力之下，佢自自然然就可以輕輕鬆鬆咁企返起身。 �

站不起來的日子，用大腿與雙手撐起你的全世界 照顧老犬嘅路，往往充滿突如其來嘅考驗。 自從強仔經歷咗一次急症之後，佢嘅身體狀況急轉直下。依家嘅佢，已經冇辦法再好似以前咁自己企起身。老友記嘅睡眠變得非常「碎片化」，往往瞓兩三個鐘、三四個鐘就會醒。而每當佢半夜醒嚟發現自己郁唔到，大腦就會產生極度嘅恐慌。 今日想同大家分享，當老友記去到「起唔到身」呢個階段，我哋點樣用最實用嘅手法去撐住佢哋： 🌙 夜間安神：應對半夜驚醒的恐慌 因為之前已經幫強仔建立咗對 【老友記護腦安神油】 嘅氣味記憶（詳見上集），依家發揮咗好大作用。 當佢半夜驚醒感到恐慌，我起身後會重新用 【老友記護腦安神油】幫佢輕輕按摩。佢一聞到陣味，大腦就會知道「媽媽喺度」，慢慢放鬆返落嚟。 如果我行開咗，我會用沾有微量香氣嘅被鋪或床單 俾佢依靠住，等熟悉的氣味代替我安撫佢。 ☀️ 日間起步：拉筋溫熱與「大髀支撐法」 老友記瞓咗成晚，朝早起身或者每一次嘗試企起身嘅時候，關節都會特別僵硬。 起步前嘅溫身： 喺佢嘗試起身之前，我會用 【溫行活血起步油】 幫佢按摩四肢。呢款油嘅溫熱感可以幫緊繃嘅關節同

當熟悉的家變得陌生，陪伴迷失在深夜的孩子 半夜三更，全屋靜晒，客廳傳來熟悉嘅「滴答、滴答」指甲聲。 你起身出房，見到老友記漫無目的咁喺屋企轉圈，有時仲會企喺角落頭面壁發呆、低嗚。 呢個畫面，我實在太熟悉。 你好，我係 Bebe3pet 嘅職人媽媽。屋企經歷過 Bebe、甜甜、細佬同花花嘅生老病死，依家輪到強仔慢慢步入高齡退化嘅階段。強仔初初出現腦退化跡象嘅時候，後腳仲企得穩，但大腦嘅認知開始出錯。每晚佢都會日夜顛倒，半夜起身兜圈，眼神充滿無助。我哋選擇攬住強仔陪強仔瞓係最熟悉嘅地方- 就係一齊瞓廳 照顧老友記，首先要學識包容佢哋嘅「退化」。面對強仔早期嘅迷惘，我喺日常照顧上做咗少少微調，希望令佢冇咁慌張： 1. 建立「無障礙防撞區」 老友記好容易卡喺櫈底或者狹窄嘅走廊出唔返嚟。我喺強仔常去嘅地方鋪咗防滑墊，用軟身枕頭封住死角，等佢就算半夜兜圈，都唔會整親自己。 2. 留一盞暖色小夜燈 視力退化會令佢哋夜晚極度缺乏安全感，全黑嘅環境會放大恐懼。一盞微弱嘅小夜燈，可以大大減低佢醒來時嘅恐慌。 3. 建立「媽媽喺度」嘅氣味記憶 大自然嘅植物香氣，係安撫

望住強仔病到咁，乜都要靠自己、乜都要自己做，我忍唔住諗起以前嘅花花。 強仔真係一個十足十嘅「大丈夫」，充滿男仔嗰種硬頸同骨氣。對比之下，以前花花病到行唔到嗰陣（花花當時係患有 Cushing's 庫興氏症/內分泌問題，而唔係腦退化），佢完全無扭計。花花好清楚自己嘅身體狀況，只要有得食、有得玩、正正常常開開心心，就算要我抱住佢行，佢都覺得無問題，欣然接受。 但強仔截然不同。強仔對「自己嚟」有一種近乎偏執嘅堅持。其實呢種反應，除咗因為佢本身「大丈夫」嘅性格之外，更重要嘅係夾雜咗「老退化症（認知障礙）」嘅神經症狀。 腦退化令到佢對規矩同習慣有無法妥協嘅執著，而花花當時腦部依然係完全清醒嘅。截然不同嘅病理，造就咗兩隻狗狗完全唔同嘅身體狀態同反應。 照顧老退化又身患重病嘅毛孩，真係好似拆炸彈咁，每日都要見招拆招。不過，強仔，你嗰份大丈夫嘅生命力，爸爸媽媽收到晒。你肯努力撐，我哋就一定陪你撐到底！

我哋好清楚，強仔一旦發現自己行唔到，內心係會極度唔開心同充滿挫敗感嘅。喺呢個最嚴峻嘅關頭，我嘅神隊友兼老公即刻發揮咗最強後盾嘅作用 為咗守護強仔嗰份尊嚴同生命力，老公 絞盡腦汁，連夜開工。佢捱更抵夜咁度位、諗計，親手為強仔度身整咗架「專屬戰車仔」。目的只有一個：要安全、舒服咁晾住強仔個身，令佢知道自己依然可以企得起身，依然有能力去行！ 除咗解決「行」嘅問題，惡性胃癌帶嚟嘅另一個致命傷就係「食」。強仔個胃壁已經變得極度脆弱，加上佢病親就會挑食、唔願食嘢。老公 又再一次展現神隊友嘅力量，瘋狂上網鑽研食療。要確保食材新鮮健康、要強仔肯開金口食、要保護胃壁唔受刺激，同時又要確保佢吸收到足夠營養去打仗……呢個平衡真係極度難攞捏，少啲心思都搞唔掂。 雖然老公默默做無出聲，但我完全感受到佢內心嗰份緊張同擔心。我哋心知肚明，突發後嘅呢兩日係最關鍵嘅「生死 48 小時」。如果扭轉唔到個局勢，強仔就會一日一日急轉直下。嗰兩日，我哋真係「百寶盡出」，有咩板斧都攞晒出嚟，誓要合力接住強仔呢條命仔！好感恩，喺我心最亂、最急嘅時候，有呢位神隊友同我並肩作戰。

陪佢轉完圈，見佢精神好返啲，呢兩個星期佢變得極度依賴、超級貼身。就好似一個啱啱學識行、跌跌碰碰嘅小朋友咁，時時刻刻都要黐實你、望住你、同你玩。初頭我都好開心，以為佢只係病好撒嬌。 但慢慢發覺……咦，反應好似有啲唔妥。點解夜晚完全唔瞓覺嘅？明明日頭玩得好開心，但去到夜晚依然眼光光，甚至全日都唔肯瞓！ 呢個時候我先如夢初醒：原來佢嘅腦退化（認知障礙）嚴重咗！ 回想返過去呢二十幾日，因為惡性胃癌突發，我將所有精力放晒喺點樣顧住佢個胃、幫佢止痛、同埋解決佢行唔到嘅問題（例如幫佢安排戰車仔、墊咕𠱸促進血液循環）。我以為解決咗身體上嘅痛楚就得，竟然完全忽略咗佢腦神經嘅問題，呢二十日停晒所有關於護腦嘅 Supplement。 結果，我哋又無奈地坐上咗另一架過山車。 為咗令佢夜晚有覺好瞓，我哋試盡各種方法：日頭盡量消耗佢體力、唔畀佢咁早瞌眼瞓，甚至特登頂到夜晚 11 點後先畀佢瞓，奢望佢（同我哋）可以一覺瞓到天光。 但現實係殘酷嘅，佢凌晨半夜依然會突然醒晒，扭計一定要出廳。面對住呢個日以繼夜嘅神經大作戰，望住半夜唔肯瞓嘅強仔，我哋真係好崩潰。「點算好？點算好？

大家有冇想像過，如果自己明明起唔到身，但都硬係要靠自己企起身，仲要轉十幾個圈先肯屙屎，會係一個咩畫面？ 強仔就係咁。佢嘅生命力真係強到令人佩服。雖然佢中過風，有一隻後腳緊咗、僵硬咗，平時根本好難自己起步，但佢份人真係好有骨氣、好堅持。佢硬係要自己行，就算只係行幾步，都要靠自己；甚至急起上嚟，一定要自己撐起身去屙尿、屙屎。 最攞命嘅係，佢有一個根深蒂固嘅習慣：每次屙屎屙尿之前，一定要不停自我轉圈。轉吓、轉吓、轉吓……每次起碼轉 10 至 15 個圈以上先肯「發射」！ 面對住一隻腳跛、企都企唔穩，但又堅持要轉圈嘅老人家，大家會點做？ 我就選擇咗「寵壞」佢——我陪佢一齊轉。我會用雙手傍住佢，佢轉一個圈，我跟住佢轉一個圈。有時轉到我自己頭都暈埋，但望住佢，我個心係開心嘅。 因為我一直深信，亦都係我養過五隻狗狗嘅堅持：我必須尊重佢哋每一個諗法。 只要佢仲有自己嘅執著，仲想按自己嘅方式去生活，就代表佢仲有強大嘅生命力。尊重佢嘅選擇，就係滋養佢靈魂最好嘅養分。

去睇中醫之前，其實我個心依然好沉重。因為頭兩位西醫畀我嘅回覆都係非常唔樂觀，叫我「好好有心理準備」。 但估唔到，呢位中醫老醫生，完全明白老人家（高齡狗狗）嘅身體反應。佢無講啲嚇人嘅說話，反而好輕鬆自在咁派咗粒「定心丸」畀我。佢話：「好啦，你都要有心理準備嘅，呢種狗種基本上都係去到 16 歲左右㗎啦。老狗要走嗰陣會好突然，你自己心裏有數。我哋依家睇吓啲藥，可唔可以幫佢撐多一年啦！」 嘩！「一年」！聽到呢個字，我個心簡直好似見到神仙打救咁，原本嗰種被判死刑嘅恐懼同重壓，即刻鬆晒！我好明白雖然呢個數字係一個支持，但係可以無痛生存多一日就已經好感恩了 不過，開心歸開心，回到現實，依然要見證藥效先敢放心。返到屋企，我又開始焦慮：停咗西醫嘅止痛藥，強仔會唔會痛到頂唔順？中藥係咪真係有效？但係，我相信緣份。既然上天安排我哋遇到呢位醫生，而醫生亦都好用心幫強仔，我無理由唔信佢。於是，我哋開始慢慢轉食中藥。 中藥唔係仙丹，唔會即刻見效。頭嗰七日，強仔個肚仔依然好似一個「小火爐」咁，一路發熱，摸到我心慌慌。 但我哋堅持住，慢慢經過三四日嘅調理，強仔肚仔嘅熱力真係開始

今日，見到你又成身震晒。我知道，你痛。 我好擔心你會因為痛楚，又再一次好緊張咁喺地下周圍爬，完全唔肯唞吓。為咗令你舒服啲，我唯有餵你食止痛藥。望住你，我個心真係好難受、好矛盾——我好想你好想你繼續生存落去，陪我耐啲；但同時，我極度驚你會痛、會受苦。 呢種精神上嘅拉扯，令到我都完全食唔落嘢，成個人心力交瘁。我個腦不停喺度糾結：究竟應該 keep 住用重藥去㩒住你個病情，定係應該由得你，痛住咁過得一日得一日？ 喺呢段忙亂又無助嘅日子，我唯一可以做嘅就係不停上網 search，睇吓有咩方法可以幫到你。突然間，我腦海閃過以前「細佬」嘅畫面！當時細佬都面對住好嚴重嘅痛症問題，後來就係因為睇中醫、食中藥，成功緩衝咗嗰份痛楚！ 我即刻諗起以前睇開嗰啲醫生，但名醫實在太難 book，加上強仔嘅情況太緊急、太嚴峻，我根本等唔切。喺不知所措之下，我只好周圍打電話，睇吓邊個中醫有位就睇邊個。皇天不負有心人，好好彩終於畀我 book 到一位中醫！我即刻帶齊第二位西醫嘅驗血報告同資料，準備去同中醫研究強仔嘅病情。

安頓好強仔嘅心情，抹好地，就到咗最艱鉅嘅任務——同佢沖涼洗 Pat Pat。 喺沖涼嘅過程中，我再次見識到強仔有幾聰明同硬頸。佢知道自己後腳無力起唔到身，亦知道媽媽有時做嘢心急會「粗心大意」，為咗防止自己喺浴缸跣低，佢竟然堅持用一隻腳死撐住個浴缸邊！望住佢嗰個倔強又可愛嘅姿勢，我真係忍唔住笑咗出嚟。好啦好啦，等急躁嘅媽媽幫你輕輕鬆鬆洗乾淨啲屎屎啦。 洗完白白，單手扶住佢又要幫佢吹毛，真係少啲少林功夫都搞唔掂。吹風機太熱怕焗親佢，太凍又怕佢冷親，嗰一刻真係深深體會到「做人阿媽甚艱難」。 終於捱到吹乾晒啲毛毛！因為要開始食止痛藥，一定要確保佢身體乾爽、舒服，先可以開罐罐畀佢食，幫佢補充返頭先掙扎流失嘅體力。 原本仲擔心佢會無胃口，點知…… 「𠽌𠽌𠽌……」開胃嘅強仔大啖大啖咁食！食呀食呀食，食到最後，竟然連個兜都舔到乾乾淨淨！ 嘩！望住嗰個乾淨嘅兜，嗰一刻，頭先撲返屋企嘅大汗疊細汗、捽屎抹地嘅辛酸、吹毛嘅手忙腳亂……全部都一掃而空。呢一種巨大嘅滿足感，只有做家長嘅人先會深深明白。 唔緊要嘅強仔，我哋繼續努力。你依家舒舒服服、乾乾淨淨咁安睡啦，等媽

捱過咗最艱難嘅頭三天，去到第四日，現實嘅考驗又嚟啦——我要開始返工。 前幾日我一直努力捉摸強仔嘅生活節奏、排泄規律同埋病痛發作嘅頻率，自以為已經好有頭緒。於是，我同自己定咗個「完美計劃」：朝早早啲起身同佢玩、落街行吓，等佢精神爽利之餘又消耗吓體力。我諗住，只要佢早啲攰，我返工嗰陣佢就可以舒舒服服咁瞓長覺啦 。 點知，你想歸你想，現實歸現實。 我出門口唔夠一個鐘，強仔就急屎了。佢好努力咁想自己撐起身，但偏偏後腳無力起唔到，最後……搞到全屋同一身都係屎。 返緊工嘅我一發現呢個情況，個心真係一沉。要返工，又要趕返屋企清潔，嗰種兩邊兼顧嘅吃力感真係難以形容。好彩公司非常體諒同彈性，等我可以趁午飯時間「偷走」趕返屋企。頂住炎熱嘅天氣跑入門口，第一眼就見到慘慘豬嘅強仔趴喺地下喘氣，一身都係已經乾咗嘅屎。 但我第一時間唔係嬲，亦無怪責佢。因為我知，呢個係我計算失誤，唔係佢嘅錯。 佢已經好努力嘗試去解決，所以我反而係咁讚佢：「叻仔呀！有屙屎屎，好叻呀！唔洗唔開心，亦都唔洗擔心，清潔好簡單㗎咋！」 因為喺冷氣房入面掙扎咗兩個鐘，強仔成身發熱，加上緊張，身體似乎又開

因為你堅持要自己解決，我返到屋企嘗試咗一兩次想幫你放屎，但都失敗收場。嗰晚，我個心真係好亂，亂到完全唔知點算好。因為你已經食咗藥，如果啲毒素同廢物一直困住喺條腸度排唔出嚟，其實同加重病情係無分別嘅。 我擔心咗成晚，亦觀察咗成晚。為咗再試下幫你，我將自己十隻手指嘅指甲全部剪到最貼肉、最平，因為我好怕會唔小心刮親你敏感嘅地方，令你唔舒服，甚至令你更加抗拒屙屎。可惜，無論我點樣小心翼翼咁試，你依然係唔肯妥協。 點知去到第二日，奇蹟竟然出現。 當你有急意嘅時候，你竟然主動爆發出一股力量，自己飆起身，跌跌撞撞咁行去哋屙尿同屙屎！ 雖然，屙出嚟嘅屎係深黑色嘅……我知道，呢個係腸胃內出血嘅證明，情況依然嚴峻。但望住你就算身體虛弱到極點，每次急尿急屎都仲要出盡全力撐起身，堅持要靠自己解決嗰份努力，我心入面嗰種震撼真係難以形容。 強仔，你真係好叻、好有骨氣。既然你自己都咁努力，咁想撐落去，媽媽答應你，我哋都絕對唔會放棄！我哋一齊打呢場仗！