【花花回憶錄 (二)】從急症室回家的癱軟身軀，與奇蹟的「蠟菊,乳香」喚醒

從急症室將花花接返屋企，心情依然好沉重。醫生話佢有嚴重缺水嘅情況，雖然做咗緊急治療同開咗藥，但花花當時依然係起唔到身。

望住一隻狗仔突然失去行動能力，癱軟喺度，我覺得最痛苦嘅，係佢根本唔知道自己發生緊咩事。三日前明明仲係跑跑跳跳，轉眼間就企唔起身。好彩花花嘅性格極之樂觀，咩事都冇乜所謂，就算起唔到身，依然好可愛、好貪食。佢唔會好似強仔咁扭計要人氹，就算唔舒服，只要有嘢食，佢都會盡力去食。

從急症室將花花接返屋企，心情依然好沉重。醫生話佢有嚴重缺水嘅情況，雖然做咗緊急治療同開咗藥，但花花當時依然係起唔到身。

望住一隻狗仔突然失去行動能力，癱軟喺度，我覺得最痛苦嘅，係佢根本唔知道自己發生緊咩事。好彩花花嘅性格極之樂觀，就算起唔到身，只要有嘢食，佢都會盡力去食。

因為唔想見到佢咁無助，除咗跟足醫生指示食藥，我哋亦決定喺日常護理上幫佢舒緩下。

。返到屋企，我嘗試用乳香（Frankincense）蠟菊 (Helichrysum) 配合自製嘅按摩油，定時幫花花做輕柔嘅全身按摩。乳香喺芳療中被譽為「精油之王,有極強嘅細胞修復同安神作用 ,蠟菊「永久之花」有助擴張微絲血管。

⚠️ 【護理小分享與安全界線】 大家要留意，呢個係花花嘅個別情況。因為我哋兩年來都有定期幫佢驗血 check 住，了解孩子嘅身體狀況，而且因為孩子體質許可，我哋先至咁做。我哋用嘅係極低濃度、安全稀釋過嘅寵物專用配方，只係用嚟安神同舒緩情緒，絕對唔係用嚟代替獸醫醫療，亦唔係包醫好。每隻老人家都有佢哋嘅步伐，大家遇到類似情況不妨參考，最緊要係量力而為。

我哋日以繼夜咁按，心入面只有一個卑微嘅願望：希望可以幫佢搵返企起身嘅力氣。可能係佢自己頑強嘅生命力，加上適當嘅舒緩，兩個星期後，花花竟然慢慢重新企得返起身，再次靠自己嘅力量行路。。