強仔挑食事件簿】(五)：終極「騙食」加料大法

動物食嘢，其實係「用鼻食」先於「用口食」。要呃到強仔呢啲資深挑食專家開口，秘訣就係要不斷刺激佢嘅嗅覺！

為咗令佢食落肚，我哋真係渾身解數，咩調味都試過：肉鬆、豬肉鬆、羊奶粉、駱駝奶粉……最誇張嗰次，連 BB 食用嘅紫菜碎都出動埋！只要喺面頭灑上香噴噴嘅配料，呃到佢個鼻覺得啱食，佢自然就會開大口。

當然，強仔都唔係省油的燈。有時加咗第一款配料，佢食咗一半又突然停口。呢個時候，就係考驗家長耐心嘅時刻——立即轉第二款、第三款甚至第五款鋪面嘅配料！不停轉、不停試，睇吓佢嗰一刻最鍾意邊陣味。其實講到底，你肯花幾多耐性去同佢「鬥智鬥力」，全取決於你有幾想佢重拾健康。