惡性胃癌突發事件 (一）：由天堂跌落地獄的黃昏

星期日，我哋仲開開心心去散步，你精精神神咁食嘢。星期一朝早，你依然開開心心咁食早餐，我都好安心咁出門口返正常運作。

點知，無常就係嚟得咁突然。

黃昏 6:30，叔叔突然發現你起唔到身，手腳濕晒。你嘅身體因為極度緊張而變得僵硬，整隻狗已經陷入昏昏迷迷嘅狀態，癱軟困喺地下。嗰一刻，我哋心入面急到好似火燒咁，完全唔知點算好。最尷尬亦最無助嘅係，平時睇開嘅診所已經過咗診症時間。唯一可以做嘅，就係硬住頭皮打去 24 小時急症。好好彩，好快就有人接聽，但最快都要等到夜晚 10:30 先可以到達。

等待嘅過程真係好漫長、好焦慮。我好驚你隨時心臟病發、驚你受到太大刺激、驚你突然缺水或者貧血。我只係好想醫生可以盡快幫你做啲緊急緩衝治療，幫你度過呢個難關。

喺等待救援嘅呢幾個鐘入面，我哋嘗試冷靜落嚟陪伴佢。因為我哋兩年來都有定期幫佢驗血 check 住，大概了解孩子嘅身體底子同體質許可，所以我哋只係用手指輕輕點一滴滴微暖嘅水落佢嘴唇邊，等佢舐下、潤下口。大家記住，呢個做法絕對唔係大量當水飲，亦唔係夾硬灌水，以免濁親小朋友。 呢個只係我哋應對自己小朋友嘅個別情況而做嘅安撫，每隻老人家都有佢哋嘅步伐，大家遇到突發情況不妨參考，最緊要係保持安靜，唔好令佢哋再受驚。

好不容易捱到出門口，我哋搭的士趕去醫院。成個車程，你完全無郁過，連眼都無打開。我喺心入面係咁同自己講：「可能你只係太攰啫，休息吓，見完醫生就無事㗎啦。」

照顧老友記嘅路，往往充滿住呢啲令人無助嘅突發時刻。當下家長嘅心情真係好難捱，除咗等，我哋仲可以做啲咩？其實喺日常生活中，為老友記做好身心靈嘅安撫準備真係好重要。

如果大家喺照顧老犬嘅路上覺得徬徨，或者屋企有閒置嘅老友記用品，不妨嚟 Bebe3pet 嘅【雲朵站】老犬物資交換區 睇睇。我哋希望建立一個互助嘅社群，讓同路人互相依靠。同時，為咗幫老友記同家長舒緩日常嘅緊張情緒，我哋亦有提供安全溫和嘅寵物專用精油產品。我哋堅持「以愛支援弱勢」，【雲朵站】及部分精油產品嘅收益，都會撥捐畀本地獨立狗場，將大家對毛孩嘅愛延續落去。

【溫馨小提示】每隻老友記的身體狀況、病歷同脾胃都各有不同，我哋嘅實戰經驗只供各位同路人家長參考。如果孩子有不舒服，最安全嘅做法依然係即時諮詢你們的主診獸醫，一齊用最適合孩子的方法陪伴牠們喔。