老犬照顧日誌（—）

當熟悉的家變得陌生，陪伴迷失在深夜的孩子

半夜三更，全屋靜晒，客廳傳來熟悉嘅「滴答、滴答」指甲聲。 你起身出房，見到老友記漫無目的咁喺屋企轉圈，有時仲會企喺角落頭面壁發呆、低嗚。

呢個畫面，我實在太熟悉。

你好，我係 Bebe3pet 嘅職人媽媽。屋企經歷過 Bebe、甜甜、細佬同花花嘅生老病死，依家輪到強仔慢慢步入高齡退化嘅階段。強仔初初出現腦退化跡象嘅時候，後腳仲企得穩，但大腦嘅認知開始出錯。每晚佢都會日夜顛倒，半夜起身兜圈，眼神充滿無助。我哋選擇攬住強仔陪強仔瞓係最熟悉嘅地方- 就係一齊瞓廳

照顧老友記，首先要學識包容佢哋嘅「退化」。面對強仔早期嘅迷惘，我喺日常照顧上做咗少少微調，希望令佢冇咁慌張：

1. 建立「無障礙防撞區」 老友記好容易卡喺櫈底或者狹窄嘅走廊出唔返嚟。我喺強仔常去嘅地方鋪咗防滑墊，用軟身枕頭封住死角，等佢就算半夜兜圈，都唔會整親自己。

2. 留一盞暖色小夜燈 視力退化會令佢哋夜晚極度缺乏安全感，全黑嘅環境會放大恐懼。一盞微弱嘅小夜燈，可以大大減低佢醒來時嘅恐慌。

3. 建立「媽媽喺度」嘅氣味記憶 大自然嘅植物香氣，係安撫大腦神經最直接嘅方法。我為佢調配咗 【老友記護腦安神油】。 我堅持「不強迫」。每晚臨瞓前，我只會滴 1-2 滴喺掌心搓熱，唔會即刻掂佢，而係離遠俾佢聞一聞先。當佢慢慢接受咗，我先會將帶有香氣嘅掌心，由佢嘅頭仔開始，順住慢慢按摩到背脊。每日重複呢個動作，將「呢種安神嘅味道」同「媽媽嘅保護」扣連埋一齊。

見到孩子慢慢老去，係必經嘅心碎過程。

度互相撐住。

(下一集，我會分享強仔經歷急症後，起唔到身嘅日夜貼身照顧實戰。)