Aromatherapy

陪伴高齡犬日夜顛倒與焦慮的溫柔對策 半夜三更，全屋都靜晒，唯獨是聽到客廳傳來「滴答、滴答」嘅指甲聲。 你掙扎起身，見到老友記漫無目的咁喺屋企轉圈、甚至企喺 。你想抱佢返狗床，但轉個頭佢又起身行，有時仲會焦慮咁低嗚。 今日想同大家分享吓，點解老友記會突然日夜顛倒，同埋我哋可以用咩溫和嘅方法，去減輕佢哋嘅不安。 ☁️ 點解老友記會半夜唔瞓、焦慮轉圈？ 老友記出現呢啲行為，絕對唔係特登曳，而係身體機能退化令佢哋好無助： 大腦認知退化（狗狗腦退化）： 隨住年紀增長，大腦神經細胞會衰退，令佢哋失去方向感，甚至唔認得平時瞓開嘅位，生理時鐘完全亂晒。 關節隱隱作痛： 老友記可能因為關節退化，維持同一個姿勢太耐會痛，所以逼住要起身行來行去舒緩不適。 視力同聽力變差： 當睇唔清、聽唔到，世界對佢哋嚟講變得好陌生，夜晚黑鼆鼆會令佢哋極度缺乏安全感同恐慌。 ☁️ 我們可以做到的 3 件溫柔小事 面對老友記嘅退化，我哋冇辦法逆轉時間，但可以透過微調生活細節，令佢哋安心啲： 1. 重新調整生理時鐘： 盡量喺日間（特別係下晝）多啲同佢互動。如果行唔到太遠，可以用寵物車推佢落