【強仔挑食事件簿】(二)：係「痛」定係「揀」？家長的金睛火眼

當強仔飲咗一輪葡萄糖水，身體無咁辛苦，慢慢開始對食物有返啲興趣，但呢個時候「挑機 1 號」就出現了——佢開始極度挑食！買好多唔同嘅嘢俾佢，佢都係望一眼、聞一聞就轉身走。

好多家長見到毛孩唔食，第一反應可能係「佢扭計」。但照顧生病嘅毛孩，我哋要學識分辨：佢究竟係純粹嫌棄啲嘢食，定係其實佢想食，但腸胃唔舒服食唔落？

強仔有胃部嘅問題，如果胃黏膜受損甚至流血，食任何嘢落去都會「揦」住痛。當佢試過食完會痛，自然就會抗拒進食。所以，我哋第一步要做嘅唔係不停轉糧，而係要先幫佢「護胃」。我哋會俾啲保護胃壁嘅 Supplement 佢食，當胃壁受到保護，佢試探性食少少發現「咦，今次唔痛喎」，佢先會放心去食。要對症下藥，家長嘅觀察力就係關鍵。