老犬照顧日誌（三）

你的能量是孩子最好的靈藥，笑著接納生命裡的自然老去

照顧老友記嘅路上，我哋成日都會將注意力放咗喺「佢邊度退化咗」、「佢今日又行唔到幾多步」，慢慢搞到自己個心好沉重，甚至充滿焦慮。

但係，我想同大家分享一個我喺 5 個孩子（Bebe、甜甜、細佬、花花同強強）身上學到最寶貴嘅一課：「主人的能量，會直接傳染俾孩子。」

毛孩同我哋之間，好似有一條隱形嘅臍帶。當強仔因為後腳無力而起唔到身，如果我表現得好慌張、好心痛、甚至愁眉苦面，佢係會feel到㗎！佢會以為自己做錯事，或者覺得「死啦，係咪有大件事發生」，結果情緒一繃緊，肌肉就更加僵硬，反而越用力越企唔起身。

相反，如果我哋用一個開懷、輕鬆嘅心態去面對呢？

老去、行唔到、腦退化，其實從來都唔係咩「絕症」，只係生命必經嘅一個正常階段。依家每當強仔起唔到身，我都會笑笑口咁行埋去，摸吓佢個頭話：「冇事喎，腳仔軟呀？唔急，慢慢嚟，媽媽喺度陪你。」當我散發出「好小事啫，一切都好安全」嘅正面能量，強仔接收到呢份輕鬆，佢個心就會定落嚟。情緒冇問題，身體自然放鬆，喺我大髀嘅借力之下，佢自自然然就可以輕輕鬆鬆咁企返起身。

🌳 雪松的沉穩陪伴：給予大樹般的安全感

除咗主人嘅正面能量，喺環境佈置上，我哋都可以借用大自然嘅力量去增強佢哋嘅安定感。

對於容易心慌嘅老友記，例如大家認識 Cedarwood（雪松） 呢款精油。雪松帶有大樹紮根嘅氣味，能給予極大嘅安穩同踏實感。

喺強仔瞓覺嘅時候，我會將適量稀釋好嘅雪松+安睡精油配方，輕輕用喺佢平時瞓覺嘅床鋪或者周圍嘅環境。就算半夜我唔喺佢正側邊，呢陣沉穩嘅木香，就好似有一棵大樹一直保護住佢咁，大大減低佢半夜醒來嘅慌張，令佢

瞓得更安穩。

各位家長，照顧老友記當然會有攰嘅時候，但試吓深呼吸，放鬆自己嘅眉頭。用最溫柔、最開朗嘅笑容去接納佢哋嘅老去。因為你嘅快樂同從容，就係孩子最好嘅靈藥。

如果你都想為孩子尋找呢份天然嘅安定感，或者想交流吓照顧心得，歡迎隨時嚟參觀Bebe3pet 嘅網頁，又或者去【雲朵站】睇吓有冇啱用嘅物資。我哋一齊用最靚和溫柔嘅心情，陪孩子走過呢段金色的歲月。