老犬照顧日誌（二）

站不起來的日子，用大腿與雙手撐起你的全世界

照顧老犬嘅路，往往充滿突如其來嘅考驗。

自從強仔經歷咗一次急症之後，佢嘅身體狀況急轉直下。依家嘅佢，已經冇辦法再好似以前咁自己企起身。老友記嘅睡眠變得非常「碎片化」，往往瞓兩三個鐘、三四個鐘就會醒。而每當佢半夜醒嚟發現自己郁唔到，大腦就會產生極度嘅恐慌。

今日想同大家分享，當老友記去到「起唔到身」呢個階段，我哋點樣用最實用嘅手法去撐住佢哋：

🌙 夜間安神：應對半夜驚醒的恐慌 因為之前已經幫強仔建立咗對 【老友記護腦安神油】 嘅氣味記憶（詳見上集），依家發揮咗好大作用。 當佢半夜驚醒感到恐慌，我起身後會重新用 【老友記護腦安神油】幫佢輕輕按摩。佢一聞到陣味，大腦就會知道「媽媽喺度」，慢慢放鬆返落嚟。 如果我行開咗，我會用沾有微量香氣嘅被鋪或床單 俾佢依靠住，等熟悉的氣味代替我安撫佢。

☀️ 日間起步：拉筋溫熱與「大髀支撐法」 老友記瞓咗成晚，朝早起身或者每一次嘗試企起身嘅時候，關節都會特別僵硬。

• 起步前嘅溫身： 喺佢嘗試起身之前，我會用 【溫行活血起步油】 幫佢按摩四肢。呢款油嘅溫熱感可以幫緊繃嘅關節同肌肉「拉拉筋」，等佢容易啲發力。

• 
  

• 極重要嘅「大髀支撐法」： 幫佢企起身後，往往企一兩分鐘佢對腳就會開始震。記住，腳震代表肌肉消耗已經過勞！ 千萬唔好勉強佢繼續企或行。呢個時候我會即刻踎低，用自己個大髀貼實去扶住佢嘅身體。

• 唞夠先再嚟： 用大髀頂住佢，俾佢有一個實淨嘅依靠，對腳唔使再震可以借力唞一陣。等佢回返氣，我哋先再慢慢練習。

• 
  

照顧老友記去到臥床階段，真係一場榨乾體力同心力嘅考驗。無覺好瞓、望住孩子退化，一定會有覺得攰同氣餒嘅時候。辛苦晒，容許自己脆弱。

如果你都需要一啲輔助帶、軟墊等實用物資，可以去我哋嘅 【雲朵站】老犬物資交換區 睇吓有冇啱用，將愛心傳遞落去。