🎂 街頭的純粹：我們的生日會文化

後來，我喺呢個公園發起咗「生日會文化」，一搞就搞咗三、四年。

我嘅出發點好簡單：想畀一班狗狗，喺一個自由嘅空間入面，一齊感受被愛。我哋嘅生日會冇名貴嘅排場，只係喺街邊借張枱，大家隨心攞啲生果出嚟。最初嘅生日蛋糕係我自己整嘅，後來其他狗友都開始帶自家製嘅食物分享。

大家拎出嚟嘅，唔係用金錢衡量嘅物質，而係滿滿嘅心意。

回想起嗰個街角，嗰幾個簡簡單單嘅生日會，將一班充滿愛、亦願意付出愛嘅人同狗狗連繫埋一齊。呢個冇辦法用錢去衡量嘅專屬派對，絕對係我生命中，最值得紀念、最溫暖嘅一頁。