Aromatherapy

進行咗兩日兩夜，每兩個鐘一個循環嘅緊急治療同照顧。每兩個鐘餵一次嘢食、餵一次藥，心入面不斷祈求你可以慢慢復原。但現實往往係殘酷嘅，情況並唔樂觀。見到你身體狀態好反覆，一時會無端端發震，個樣極度疲倦，而最令我焦慮嘅係——你屙唔到屎。 經歷咗呢兩日嘅日夜顛倒，我決定帶你去見第二個醫生。因為第一晚嗰個急症醫生，實在畀唔到任何正面同清晰嘅答案我。 今次搵嘅呢位醫生年紀比較大，經驗豐富好多。佢一睇，就診斷出強仔你依家面對緊「血栓」嘅問題，同時大家都心知肚明，惡性胃癌應該已經擴散咗。醫生好仔細咁幫我梳理所有藥物，提點我邊啲藥必須食、邊啲絕對唔好食。更重要嘅係，醫生親手幫你放咗啲屎出嚟，令你個肚仔終於無咁谷，個人舒服返少少。 原來，我一直都唔太識點樣正確地幫狗狗放屎。以前細佬病嗰陣，佢會好安定咁攤喺度，我只要輕輕搓佢個肚，就可以順利幫佢推啲屎出嚟。但強仔你完全唔同，你嘅生命力真係好頑強！就算病到咁，你依然堅持要自己撐起身屙屎、自己屙尿，絕對唔肯攤喺度由人搞。呢種強烈嘅自尊心同骨氣，令到我接落嚟嘅護理變得難上加難。

等到夜晚 11 點多，終於見到醫生。如果真係要喺 3 小時黃金時間內解決，我相信好多生命已經等唔到。 一入去，醫生睇見你個情況，就話可能有惡性胃癌引發，要求先驗血睇報告。但驗完血出嚟，面對住份報告，醫生竟然喺度「咿咿哦哦」。佢話打水有風險，做呢樣又怕有意外，揸住份報告望嚟望去，似係自己同自己講嘢，多過同我解釋。 面對咁嚴峻嘅生死關頭，我真係顧唔上禮貌，直接打爛沙盤問到篤。我怕我聽唔清楚、了解錯咗，會斷送咗強仔條命：「究竟係咩事？係胃癌？係中暑？定係熱衰竭？點解份報告只係反映到有嚴重發炎同少少缺水？依家有咩可以做？」 我嘅邏輯好簡單：缺水就打水，無血就輸血，無營養就吊營養。救命就係要喺短時間內補充身體需要嘅嘢去做緩衝。可惜，醫生似乎完全無 idea。見到嚴重發炎，叔叔主動要求：「不如打消炎針啦？」醫生量完血壓，先勉強同意幫你打。打完針，你個身依然㷫，但總算好過無。 最後，醫生淡淡然拋低一句：「如果狗狗喺陌生環境離開會好緊張、好孤伶伶，你哋選擇帶走就好啦。」 其實，我由頭到尾都無諗過要留你喺醫院。就算發生咩事，我都會帶你返屋企。我寧願親手緊緊抱住你，

星期日，我哋仲開開心心去散步，你精精神神咁食嘢。星期一朝早，你依然開開心心咁食早餐，我都好安心咁出門口返正常運作。 點知，無常就係嚟得咁突然。 黃昏 6:30，叔叔突然發現你起唔到身，手腳濕晒。你嘅身體因為極度緊張而變得僵硬，整隻狗已經陷入昏昏迷迷嘅狀態，癱軟困喺地下。嗰一刻，我哋心入面急到好似火燒咁，完全唔知點算好。最尷尬亦最無助嘅係，平時睇開嘅診所已經過咗診症時間。唯一可以做嘅，就係硬住頭皮打去 24 小時急症。好好彩，好快就有人接聽，但最快都要等到夜晚 10:30 先可以到達。 等待嘅過程真係好漫長、好焦慮。我好驚你隨時心臟病發、驚你受到太大刺激、驚你突然缺水或者貧血。我只係好想醫生可以盡快幫你做啲緊急緩衝治療，幫你度過呢個難關。 喺等待救援嘅呢幾個鐘入面，我哋嘗試冷靜落嚟陪伴佢。因為我哋兩年來都有定期幫佢驗血 check 住，大概了解孩子嘅身體底子同體質許可，所以我哋只係用手指輕輕點一滴滴微暖嘅水落佢嘴唇邊，等佢舐下、潤下口。大家記住，呢個做法絕對唔係大量當水飲，亦唔係夾硬灌水，以免濁親小朋友。 呢個只係我哋應對自己小朋友嘅個別情況而做嘅